التخطي إلى المحتوى
100593677_916142692146176_3550116677205098496_n يمكنك السياحة في عز كورونا لكن ! (مقال بالدارجة المغربية)

أكثر القطاعات لي كلات الشحط مزيان فهاد الأزمة هو قطاع السياحة ، المغرب حتى هو تضرب حيث ديك المداخيل ديال 78 مليار درهم مشات فمهب الريح هي و ديك 13 مليون سائح لي كانت كتجينا سنويا ، الحكومة المغربية لقات راسها حاصلة حيث ماكايش شي مكلخ غادي يجي يدوز الصيف فواحد البيئة غير آمنة كتشكل خطر على حياتو ، و بالتالي التجأت الوزارة الوصية على واحد الحل ترقيعي ديال دعم السياحة الداخلية ، يعني بدل ما يمشيو المغاربة الملعقين يضيعو فلوسهم فتركيا و المالديف أرا نشدوهم هنا و دوك الفلوس دايزين فينا و في اقتصادنا   .                                                                                                                                                                                                                                                                                                                                                                                    لكن هادا ماشي حل حيث السائح الأجنبي على عكس المغربي كايجيب العملة الصعبة و حاليا كاين تضائل فحجم إحياطي المغرب من النقد الأجنبي يعني نتا محتاج لكل دولار و أورو، بعض الدول لي حتى هي كتدخل صريف من السياحة جابت حل خارج الصندوق سماوهم ب Safe eldorado و قائم على فكرة الإستقطاب الحصري للسياح ، نتا مثلا بوكو لعاقة و قهرك هاد الحجر و كنتسنى الفرصة بفارغ الصبر باش تسافر و تهرس الروتين ولكن ماشي أي قنط رشقات ليك عليه تمشي ليه حيث كاين الريسك ، لدلك هاد المخطط ديالSafe eldorado كايوفر ليك بيئة آمنة صحية فيها غادي تتبحر و تستمتع بالحياة و متخافش من العدى ، و غادي يكون مؤمن بعدة تقنيات و إجراءات لي كتخلي احتمالية تسلل الفيروس هو 0.23٪ و طبعا هاد البيئة غادي تكون حصرية خاصة غير بالVIP يعني غادي تميزي مزيان و هادا استقطاب بحد ذاتو ، هاد البروجي ناويا تديرو اسبانيا فأرخبيل البليار هاد الصيف و هادشي غادي يدخل ليها قيامة ديال الصرف ، هادا غير نمودج ديال الناس لي عندهم رؤية و مخططات مدروسة بدقة متناهية ماشي سيناريوهات و حلول ترقيعية لا تسمن ولا تغني من جوع…

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *